ايوه بغير

أيـــوة بغيـر !

لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير

واللي قالولك غيرة الراجل قِلّة ثقة او قلة فَهم
خَلْق حمير

غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها
يبقى يا غُلْبها
اصلنا ناس على قد الطيبة
كلنا هيبة

والنسوان في بلادنا جواهر
طب لو عندك حتة ماس
حتخلّيها مداس للناس؟؟
ولا حتقفلي اوضة عليها بميت ترباس
يمكن حتى تأجري ليها جوزين حراس
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل
اللي لا ليه اخر ولا اول
اللي طلعت لقيتني صعيدي

لو كان بايدي
كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟؟ هو انا كلب ؟؟

ثم العبرة ماهيش في اللبس
اصل المشكلة عَندك .. عٍندك ..
قلت حاسيبها وبكرة تحس
بعده تحس
بعده تحس
ده انا لو جبس كنت زعقت
ماشي صداقة وماشي زمالة
بس ماجَتْش على الرجالة

ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك
واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير

أيوة بغير

بس يا ريت حبة تقدير
اني بحبك
واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير

اموت انا ف كده

تحفه يا ايمو

تسلم ايدك

شكرا لمرورك دى من اشهر قصيده للخج تقريبا وبصراحه اكتر قصيده بحبها وبحب الجخ وهو بيلقيها

تسلم ايدك بجد يا ايمو

وفى انتظار الجديد منك ومن الجخ

وعلى فكره هو منزل قصيده جديده اول مره يقولها كان من يومين

جميله جدا ودى من الاجمل اشعاره واللى بحبها جدا
تسلمى ياقمرايه

تسلم الايادى ايمو

مكسل اكتب اسمى كتب:: تسلم ايدك بجد يا ايمو

وفى انتظار الجديد منك ومن الجخ

وعلى فكره هو منزل قصيده جديده اول مره يقولها كان من يومين

شكرا مكسل طيب القصيده الجديده اسمها ايه

ساسو
نم نم
نورتو التوبيك ويارب يكون عجبكم

هنزلها فيديو

مكسل اكتب اسمى كتب:: هنزلها فيديو

وانا ف الانتظار

القصيده نزلت على فكره

اسمها مكملين

» ايوه بغير
» أيوة بغير
» ايوه يعني فيـن اللـي بيجيب جول !!
» أنا مسلمة..وأنتي مسيحية..ايوه اعرفي حدودك لو سمحتي
» تبتسأل/ ي بحبك؟ ايوه بحبك وبموت فيك/ي