لو حبيبتك فكت منك !!

لو حبيبتك فكت منك، ارجع لها في 8 خطوات!

لو بتحب بنت وبتموت فى دباديبها، وحظك الوحش وقعك معاها فى مشكلة وفكت منك وادتك الطرشة، ما تقلقش لأن الموضوع لسه ما خلصش، وممكن ترجعها تانى ببساطة، بس تلتزم بالخطوات الجاية.

1. اقعد مع نفسك ولوحدك، فكر انت ياترى بتحبها بجد ولا لأ؟؟ تقدر تتجاوز عن المشكلة اللي حصلت ولا لأ؟؟ يعني يا ترى هتسمع لعبد الحليم " موعود معايا بالعذاب موعود يا قلبي"، ولا هتمشي وراء أصاله لما قالت " إيه يعني لو هحزن ما أنا قلبي لحم ودم من حقه يتألم"..

2. لو كانت إجابة السؤال اللي فات هي "نعم" فكر في سبب المشكلة اللي حصلت وخليتها تفك منك، فكر في مين إللي غلطان وهل تقدر تحاسبها على غلطها ولا لأ " يعني فكك من جورج وسوف لما قال: ناري ولهفة قلبي ليلي وسهري وحبي سلف ودين" واسمع النجم طارق الشيخ وهو بيقول " شهادة لله لا ظلمتنى ولا خنتني ولا يوم قاسيت وأنا جنبك"، وشوف فين الغلط اللي عندك وصلحه قبل ما تعمل أي خطوة واسمع تامر لما قال " ارجعلي أنا قلبي معاك مش قادر انسى هواك!!"

3. حاول تكلمها، لو مردتش حاول توسط صديق مشترك، أختها، أختك، أي حد ليه كلام معاكو انتم الاثنين " أو كما قال عبد الحليم: قلولوا الحقيقة، قلولوا بحبه من أول دقيقة" ، وخليك مستعد إنك تسمع كلام ما يعجبكش، لو بتحبها بجد استحمل لأنها أكيد مضايقة منك، يعني اصبر زي صابر الرباعي لما قال "خلص تارك طفي نارك مش هقول إنك ظالمني" ، وإلا ماكانتش فكت !!

4. أكيد تعرف ميلها، أو الأكونت بتاعها على الفيس بوك، كل يوم وبإنتظام، ومهما كان الكلام اللي بينقلهولك وسيط الصلح، إبعتلها رسالة تعبر فيها عن حبك، جزء من قصيدة، أغنية، لاتنسى إن عمنا مفيد فوزي له كلمه شهيرة يقول فيها " المرأة تعشق بأذنيها"، عندك نزار قباني، فاروق جويدة ليه قصيدة أكثر من رائعة إسمها " لأن الشوق معصيتي"، أو قصيدة "لو أننا لم نفترق" واخد بالك من الكلام؟ و خلي شعارك هو ما قاله حماقي في رائعته الشهيرة " تيجي ماتجيش أنا كده كده راضي، حبيبي مستني وهفضل أنادي، بقول وبعيدلك، والله قاعدلك، هتعمل إيه بقى في واحد فاضي"!!

5. لو لقيتها لسه معترضه، ولقيت نفسك لسه بتحبها، أوعى تكمل ضغط، لأن الضغط يولد الإنفجار، وساعتها هتلاقيها هيه بتسمع لمحمد رشدي وهو بيقول "أرجوك حبيبي كل شيء بينا انتهى، أرجوك حبيبي الدموع مش وقتها"، علشان تهرب من محمد رشدي فكك إنت كمان منها شوي لغاية ما الموضوع يهدى خالص، ساعتها هتقدر تكلمها هي شخصيا تاني، وساعتها اتكلم بطريقة محايدة، كأنك بتكلم صديق قديم وأنت تتمنى أن يحصل معاها زي اللي قالته الست أم كلثوم " كلموني تاني عنك، فكروني، صحوا نار الشوق في قلبي وفي عيوني".

6. حاسس إن الكلام بينكم دلوقتي بقى فيه عمق ومودة أكتر؟؟ طيب حاول دلوقتي ترمي كلام من بعيد لبعيد، والله لو في استجابة يبقى اسمع كلام عمرو دياب لما قال "ضحكت يعني قلبها مال والفرق ما بينا خلاص اتشال" ودوس يا معلم.. لو لسه مزرجنه سيبها شوية كمان وخلي كلامك زي ما اتفقنا، محايد تماما وكأنك بتكلم واحد صاحبك.

7. والله لو طولت فيها يبقى لازم تتبع المثل الشعبي القائل "قطمه أحسن من نحته" و "تقطع عرق وتسيح دمه" وتكلمها بشكل مباشر وصريح.. موافقة؟؟ ، ماشي و "أكتر من اللي أنا بحلم بيه مش قادره أخبي أنا تاني عليه"، مش موافقة شكرا وياريت تفك منها إنت كمان وتسمع كلام جورج وسوف لما قال " قاسيت عشانك قولي خدت منك إيه!!" ، والله شايف انك لسه بتحبها و كانت حالتك زي ما كاظم الساهر قال " ماتت في محراب عينيك إبتهالاتي واستسلمت لرياح اليأس راياتي"، يبقى اصبر ومعاك ربنا!!

8. لو ربنا كرمك ورجعتوا ، أوعى تفكر إن اللي فات مات، وكمان ماتبقاش رخم وتفضل تعيد وتزيد، العتاب من أخلاق الأحباب، ولكنه عتاب رقيق، بعده افتحوا صفحة جديدة على بياض واسمعوا انتم الإتنين أغنية محمد فوزي لما قال " ماتيجي نتصالح على طول ونطبق المثل اللي بيقول ما محبه إلا بعد عداوة

م
ن
ق
و
ل

تسلم الايادى نور الهدى احلى كلام

شكرا يا عسليه تورت يابا

1. اقعد مع نفسك ولوحدك، فكر انت ياترى بتحبها بجد ولا لأ؟؟ تقدر تتجاوز عن المشكلة اللي حصلت ولا لأ؟؟ يعني يا ترى هتسمع لعبد الحليم " موعود معايا بالعذاب موعود يا قلبي"، ولا هتمشي وراء أصاله لما قالت " إيه يعني لو هحزن ما أنا قلبي لحم ودم من حقه يتألم"..

بجد تسلم الايادى يا نور

جميل اوى تسلم ايدك نور على الموضوع

شكرا لمروركم
سعيد ومكسل

جميله يا نور تسلم ايديكى يا حبيبه قلبى
منك نستفيد

شكرا للمرور يا نودى

كلام جميل تسلم ايدك

شكرا نور

تسلم ايديك يا قمر تسلمى يا نور

شكرا للمرور

تسلمى يا نووووووووووور يا قمرايه

تسلملى يا بوسى يا قمرايه انتى

تسلم الايادى

شكرا لمرورك يا ملكه

هى لو فكت انا عمرى مارجعلها

وجهه نظر تحترم يا زيزو
نورت التوبيك

هى لو كت تبقى مش بتحبه

تسلم ايديكى يا احلى نور

ميرسى لمروركم
ملكه وسندريلا
منورين التوبيك

رائع اوى يانور

تسلم ايدكى

الاروع مرورك يا احمد
نورت التوبيك يا قمر

تسلم ايدك يا قمر بس معلش انتي غلطي في غنيه للعملاق عمرو دياب وانا لا اسمح بذلك الخطا ابدا يا ريت تصلحيه ههههههههههه
"ضحكت يعني قلبها مال والفرق ما بينا خلاص اتشال"
الصح بقا
ضحكت يعني قلبها مال وخلاص الفرق مبينا اتشال
ياريت تصلحي يا قمر عشان متزعليش ممنا العملاق عموره حبيب الكل
تسلم ايدك يانواره المنتدي

kota كتب:: تسلم ايدك يا قمر بس معلش انتي غلطي في غنيه للعملاق عمرو دياب وانا لا اسمح بذلك الخطا ابدا يا ريت تصلحيه ههههههههههه
"ضحكت يعني قلبها مال والفرق ما بينا خلاص اتشال"
الصح بقا
ضحكت يعني قلبها مال وخلاص الفرق مبينا اتشال
ياريت تصلحي يا قمر عشان متزعليش ممنا العملاق عموره حبيب الكل
تسلم ايدك يانواره المنتدي

منور التوبيك يا كوتا
بس انا مش فاهمه قصدك
اغنيه ايه ؟؟

» إذا أرت حبيبتك بشده.
» كيف تتعامل مع حبيبتك
» اعرف ازاي تخلي حبيبك او حبيبتك تحبك اكتر؟؟؟
» حبيبك او حبيبتك....ولا نجاحك...من تختار؟؟!!
» هل تقبل ان تحضر زواج حبيبتك؟؟؟؟؟؟؟؟؟؟؟؟